சென்னை விமான நிலையத்தில் இன்று நடந்த சோதனை நடவடிக்கைகள் பிரமிப்பூட்டும் வகையில் நடந்தன. சிங்கப்பூரிலிருந்து வந்த ஒரு பயணி, சுமார் 700 கிராம் தங்கத்தை கம்பி போல் வளைத்து, தனது உள்ளாடைக்குள் சிறிதும் சந்தேகிக்க முடியாத வகையில் பதுக்கி வைத்திருந்தார். அவரிடம் இருந்து தங்கத்தை சுங்கத்துறையினர் பறிமுதல் செய்து கைது செய்தனர்.
மற்றொரு சம்பவமாக, தாய்லாந்திலிருந்து வந்த பயணியிடம் சோதனை நடத்தப்பட்டபோது, 400 கிராம் ஹைட்ரோபோனிக் வகை கஞ்சா இருப்பது தெரியவந்தது. உயர்தர இந்த கஞ்சா, வெளிநாடுகளில் பெருமளவில் விற்பனையாகும் வகையானது என அதிகாரிகள் தெரிவித்துள்ளனர்.
இருவரும் தனித்தனியாக கடத்தல் முயற்சியில் ஈடுபட்டிருந்தனர். இதுகுறித்து சுங்கத்துறையினர் மற்றும் நார்கோட்டிக்ஸ் பியூரோ அதிகாரிகள் மேலதிக விசாரணை நடத்தி வருகின்றனர்.
கடந்த சில வாரங்களாக சென்னைவிமான நிலையத்தில் தங்கம் மற்றும் போதைப்பொருள் கடத்தல் சம்பவங்கள் அதிகரித்து வருவதால், பாதுகாப்பு பணிகள் வலுப்படுத்தப்பட்டுள்ளன.