தென்காசி மாவட்டம் சுந்தரபாண்டியபுரம் அருகே உள்ள ஒரு தனியார் முதியோர் இல்லத்தில் நேற்று இரவு வழங்கப்பட்ட உணவு பழுதடைந்ததாகவும் அதை உட்கொண்ட சில முதியோருக்கு மயக்கம், வாந்தி, வயிற்றுப்போக்கு போன்ற உடல்நலக்குறைவுகள் ஏற்பட்டுள்ளது
இதனையடுத்து உடனடியாக அவர்களை தென்காசி அரசு தலைமை மருத்துவமனைக்கு கொண்டு செல்லும் நடவடிக்கை மேற்கொள்ளப்பட்டது.
ஆனால் அதற்குமுன் மூவரது உயிர்கள் நீங்கிவிட்டதாக மருத்துவர்கள் உறுதிப்படுத்தினர். மீதமுள்ள எட்டு பேர் தற்போது தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகின்றனர்.
இந்த சம்பவம் தொடர்பாக போலீசார் விசாரணை தொடங்கியுள்ளனர். முதியோர் இல்ல நிர்வாகத்தின் போக்குகள், உணவுப் பதார்த்தங்களின் தரம் மற்றும் தயாரிப்பு முறைகள் ஆகியவை தற்போது கவனிக்கப்படுகின்றன. சுகாதாரத்துறை அதிகாரிகளும் சம்பவ இடத்திற்கு சென்று ஆய்வு மேற்கொண்டுள்ளனர்.
முதியோரின் பாதுகாப்பு மற்றும் நலனுக்காக உருவாக்கப்பட்ட இடங்களில் இப்படியான துயர சம்பவம் நடைபெறுவது வருத்தத்திற்குரியது என சமூக ஆர்வலர்கள் கவலை தெரிவித்துள்ளனர். .