திமுக மாணவர் அணி செயலாளர் ராஜீவ்காந்தி வெளியிட்டுள்ள அறிக்கையில், கீழடி அகழாய்வை பா.ஜ.க அரசு தொடர்ந்தும் ஏற்க மறைப்பது தமிழர் எதிர்ப்பு செயல் எனக் கடுமையாக விமர்சித்துள்ளார்.
அவரது அறிக்கையில், “கீழடி எனும் பெயரே பா.ஜ.க அரசுக்கு வேப்பங்காயாக கசக்கிறது. கீழடி அகழாய்வை தொடங்க வேண்டிய கட்டத்தில் நீதிமன்றத்தை நாட வேண்டிய நிலை ஏற்பட்டது. அகழாய்வில் ஈடுபட்ட அதிகாரிகள் பா.ஜ.க-வின் அரசியல் விருப்பங்களை பூர்த்தி செய்யாமல் இருந்ததற்காக பணியிலிருந்து நீக்கப்பட்டனர். முன்னாள் அதிமுக அரசு பா.ஜ.க-வின் கட்டுப்பாட்டில் கீழடி பணிகளை இரண்டாம் நிலைக்கு தள்ளியது,” எனக் குறிப்பிட்டுள்ளார்.
தற்போது திமுக தலைமையிலான அரசு அமைந்த பின்பே, கீழடி அகழாய்விற்கு புத்துயிர் அளிக்கப்பட்டதோடு, தொடர் ஆய்வுகளும், அருங்காட்சியக கட்டுமானமும் விரைவாக முன்னெடுக்கப்பட்டுள்ளதாகவும் அவர் தெரிவித்துள்ளார்.
இந்த நிலைமையைக் கண்டித்து, பா.ஜ.க அரசு தமிழரைக் கண்டித்து செயல்படுகிறது என கூறி, வரும் ஜூன் 18 ஆம் தேதி காலை 10 மணிக்கு மதுரை வீரகனூர் சுற்றுச்சாலையில், திமுக மாணவர் அணி சார்பில் மாபெரும் கண்டன ஆர்ப்பாட்டம் நடைபெறவுள்ளது.
இந்த போராட்டத்தில் மாநிலம் முழுவதும் மாணவர் அணியின் நிர்வாகிகள், மாவட்ட, நகர, பகுதி, கல்லூரி மாணவர் அமைப்பினர் உள்ளிட்டோரும் தோழர்களுடன் சேர்ந்து பெருந்திரளாக கலந்துகொள்ள வேண்டும் என ராஜீவ்காந்தி அழைப்பு விடுத்துள்ளார்.