சேலத்தில் குழந்தை விற்பனை கும்பல் கைது: ஏழைத் தம்பதிகளிடமிருந்து வாங்கி லட்சங்களில் விற்பனை

சேலம் மாவட்டத்தில் குழந்தை விற்பனை நடவடிக்கையில் ஈடுபட்ட 6 பேர் கொண்ட கும்பலை போலீசார் கைது செய்த சம்பவம் பெரும் பரபரப்பை ஏற்படுத்தியுள்ளது.

பண மோசடி புகாரில் விசாரணைக்காக அழைக்கப்பட்ட மோகன்ராஜ் என்ற நபர் தொடர்பாக போலீசார் தீவிர விசாரணை நடத்தினர். அதன்போது, அவருடைய செல்போனில் ஏராளமான பிஞ்சுக் குழந்தைகளின் புகைப்படங்கள் இருப்பது கண்டுபிடிக்கப்பட்டது.

இதனை தொடர்ந்து மேற்கொண்ட விசாரணையில், மோகன்ராஜ் உள்ளிட்ட கும்பல் ஏழை மற்றும் சிரமத்தில் இருக்கும் தம்பதிகளிடமிருந்து குழந்தைகளை மிகக் குறைந்த விலையில் வாங்கி, குழந்தை இல்லாத தம்பதிகளிடம் ரூ.4 லட்சம் முதல் ரூ.7 லட்சம் வரையிலான விலைக்கு விற்பனை செய்து வந்தது தெரியவந்தது.

இந்த தகவலின் அடிப்படையில் போலீசார் குழந்தை இல்லாத தம்பதியாக நடித்து மோகன்ராஜ் மற்றும் அவரது மனைவி நாகசுதா உள்ளிட்ட ஆறு பேரை கைது செய்த போலீசார், குழந்தை விற்பனை தொடர்பான முக்கிய சாமான்கள் மற்றும் ஆதாரங்களையும் கைப்பற்றி, இந்த சம்பந்தமாக வழக்கு பதிவு செய்து விசாரணை மேற்கொண்டு வருகின்றனர்.

இச்சம்பவம் சமூகத்தில் பெரும் அதிர்வலை ஏற்படுத்தியுள்ளது. ஏழைகள் மற்றும் குழந்தைகள் பாதுகாப்பு தொடர்பான விழிப்புணர்வு நடவடிக்கைகள் மேலும் தீவிரப்படுத்தப்பட வேண்டும் என்ற கோரிக்கைகள் வலுப்பெற்று வருகின்றன.