ராமநாதபுரம் மாவட்டம் பரமக்குடியில் நிருபர்களை சந்தித்த அமமுக பொதுச் செயலாளர் டிடிவி தினகரன், தவெக தலைவர் விஜயுடன் கூட்டணி குறித்த கேள்விகளுக்கு பதிலளித்தார்.
அப்போது அவர், “யூகங்களுக்கு பதில் சொல்ல விரும்பவில்லை. நான் எப்போதும் நம்புவதை மட்டுமே வெளிப்படையாக பேசுவேன். யாரையும் குறைத்து மதிப்பதோ, வெறுப்பதோ எங்களுடைய குணம் இல்லை. எங்களை விமர்சிப்பவர்களுக்கு பதில் விமர்சனமே அளிப்போம். அதற்கப்பால் எங்களுக்கு யாரையும் பார்த்து பொறாமை கிடையாது.
விஜய் அவர்கள் பிரபலமான நடிகர். உச்சத்தில் இருக்கும் போதே அரசியலுக்கு வந்திருக்கிறார். அதனால் மக்களிடையே உருவாகும் தாக்கம் தேர்தலில் தெரியும். 2026-ஆம் ஆண்டில் விஜயகாந்த் ஏற்படுத்திய தாக்கத்தைப் போல, உணர்வு ரீதியாக விஜய் தாக்கத்தை உருவாக்குவார் என்று எனது அனுபவத்தில் கூறுகிறேன்.
ஆனால், அதற்காக உடனே கூட்டணியில் இணைவோம் என்று சொல்ல முடியாது. தற்போது அமமுக சுயமாக செயல்படுகிறது. உறுதியாக வெற்றி பெறும் கூட்டணியில் தான் நாங்கள் இடம் பெறுவோம். இதுவே எங்கள் நிலைப்பாடு” என்றார்.