காஞ்சிபுரம் மாவட்டம் வாரணவாசி பகுதியில் உள்ள ஒரு ஹோட்டலில், சமீபத்தில் சிக்கன் ரைஸ் விரைவில் தீர்ந்துவிட்டது. அதே சமயம் ஹோட்டலுக்கு வந்த அகிலன் என்ற ரவுடி, சிக்கன் ரைஸ் கிடைக்காததை காரணமாகக் கொண்டு ஆத்திரமடைந்தார்.
அப்போது அந்த ஹோட்டலில் கடைசியாக சிக்கன் ரைஸ் வாங்கி சாப்பிட்டிருந்த வாடிக்கையாளரிடம், அவர் ஆபாசமாக பேசினார். அதைத் தொடர்ந்து, அவரை தாக்கியும், கத்திக்கொண்டு மிரட்டியதாக கூறப்படுகிறது.
இந்தச் சம்பவத்தில் மிகுந்த அதிர்ச்சி ஏற்படுத்தும் வகையில், அகிலன் தன்னை “பாஜக பிரமுகர் PPGD. சங்கரை ஸ்கெட்ச் போட்டு கொலை செய்தது நான்தான்” என கூறி மிரட்டும் வீடியோ ஒன்று சமூக வலைதளங்களில் வேகமாக பரவியுள்ளது.
இந்த சம்பவம் தொடர்பாக போலீசார் விசாரணை மேற்கொண்டு வருகின்றனர். பொதுமக்கள் மத்தியில் பீதி ஏற்படுத்திய இந்த சம்பவம், ரவுடி தனம் மீதான கேள்விகளை மீண்டும் எழுப்பியுள்ளது.