சென்னை பெரும்பாக்கத்தைச் சேர்ந்த சுஜிதா என்பவர், சமீபத்தில் தனியார் ராபிட்டோ கார்கள் சேவையில் திநகர் பகுதிக்கு பயணித்தார். பயணத்தின் முடிவில், தனது ரூ.5 லட்சம் மதிப்புள்ள வைர நகைகள் அடங்கிய பையை காற்றடித்ததுபோல் காரில் தவற விட்டுவிட்டதாக பின்னர் அவருக்கு தெரிய வந்தது.
நகை பையை இழந்த சுஜிதா, உடனே கார் ஓட்டுநரை தொடர்பு கொள்ள முயன்றாலும் அவர் அணுக முடியவில்லை. இதனால் சந்தேகமடைந்த சுஜிதா, மாம்பலம் காவல் நிலையத்தில் புகார் அளித்தார்.
இதற்கிடையே ராபிட்டோ கார் ஓட்டுநராக பணியாற்றும் மணிவண்ணன் என்பவர், தனது காரில் பயணி தவறவிட்ட நகைப்பையை கண்டதும், அதை நேரடியாக பூக்கடை காவல் நிலையத்தில் ஒப்படைத்தார்.
பின்னர், போலீசாரின் மூலம் அந்த நகைப்பை மீண்டும் சுஜிதாவிடம் ஒப்படைக்கப்பட்டது. தனது நேர்மையான செயலைக் காட்டிய ஓட்டுநர் மணிவண்ணனுக்கு போலீசார் பாராட்டுக்களையும், பொதுமக்கள் பாராட்டுகளையும் தெரிவித்து வருகின்றனர்.