திண்டுக்கல் மாவட்டம் பழனி காவல் நிலையத்தில் தலைமைக்காவலராக பணியாற்றி வந்தவர் பார்த்திபன். இவருக்கு திருமணமாகி இரண்டு ஆண்டுகளாகிறது. இந்த நிலையில், பார்த்திபன் பல பெண்களுடன் தொடர்பில் இருந்ததாகவும், அவரது செல்ஃபோனில் பெண்களின் ஆபாச புகைப்படங்கள் இருந்ததாகவும் அவரது மனைவி சந்தேகித்து விசாரித்ததாக கூறப்படுகிறது.
இதுகுறித்து பார்த்திபனின் மனைவி அவரை எதிர்த்து புகார் அளித்தபோது, அதை அலட்சியமாக எடுத்துக்கொண்ட பார்த்திபனும், அவரது குடும்பத்தாரும் மனைவியை வீட்டில் இருந்து வெளியே அனுப்பியதாகவும் புகாரில் கூறப்பட்டுள்ளது
இதனைக் கொண்டு பழனி அனைத்து மகளிர் காவல் நிலையத்தில் பார்த்திபனும், அவரது தாய் உள்ளிட்ட 10 பேர் மீது அடக்குமுறையோடு நடந்து கொண்டதாகவும், துயரம் விளைவித்ததாகவும் பல்வேறு பிரிவுகளின் கீழ் வழக்குப்பதிவு செய்யப்பட்டது.
தொடர்ந்து போலீசார் நடவடிக்கை எடுத்ததில், பார்த்திபன் கைது செய்யப்பட்டார். இந்த சம்பவம் காவல் துறையில் பெரும் பரபரப்பை ஏற்படுத்தியுள்ளது.