செங்கல்பட்டு மாவட்டம் கல்பாக்கம் அருகே காத்தான்கடை பகுதியில் பெட்ரோல் பங்க் நடத்தி வந்தவர் கூவத்தூர் பேட்டை கிராமத்தைச் சேர்ந்த மோகன்ராஜ். நேற்று இரவு பெட்ரோல் பங்க் வேலை முடிந்து வீட்டிற்கு செல்ல முயன்ற போது அடையாளம் தெரியாத மர்ம நபர்கள் அவரது பாதையை மறித்து கத்தியால் சரமாரியாக வெட்டிக் காயப்படுத்தினர்.
காயமடைந்த மோகன்ராஜை அப்பகுதி மக்கள் மற்றும் போலீசார் மீட்டு செங்கல்பட்டு அரசு மருத்துவமனைக்கு அனுப்பியிருந்தனர். ஆனால் அவர் வழியிலேயே உயிரிழந்தார்.
இது பணத்துக்கான விரோதமா அல்லது மோகன்ராஜ் மற்றும் மற்றொரு தரப்புக்கு இடையிலான முன்விரோதமா என்ற கோணங்களில் போலீசார் விசாரணை மேற்கொண்டு வருகின்றனர். கொலை செய்த மர்ம நபர்களைக் கண்டுபிடிக்க சிறப்பு போலீசார் புலனாய்வு குழு அமைத்து தேடுதல் நடவடிக்கையில் ஈடுபட்டு வருகிறது.