இலங்கைக்கு கடத்தவிருந்த பீடி இலைகள் பெரிய அளவில் கைப்பற்றப்பட்ட சம்பவம் தூத்துக்குடி மாவட்டத்தில் பரபரப்பை ஏற்படுத்தியுள்ளது.
தூத்துக்குடி மாவட்டம் கொம்புத்துறை கடற்கரை பகுதியில், கடல் வழியாக இலங்கைக்கு கடத்தப்பட இருந்த 3,300 கிலோ பீடி இலைகளை, க்யூ பிரிவு போலீசார் பறிமுதல் செய்துள்ளனர்.
பீடி உற்பத்தியில் முக்கிய பொருளாக பயன்படுத்தப்படும் இந்த இலைகள் இலங்கைக்கு கடத்தப்படவிருந்ததாக அதிகாரிகள் தெரிவித்தனர்.
பீடி இலைகளின் மொத்த மதிப்பு சுமார் ₹1 கோடியாகும். பீடி இலைகளை ஏற்றி வைத்திருந்த இடத்துக்கு போலீசார் சோதனை நடத்திய போது, அங்கு இருந்த கடத்தல் கும்பல் உறுப்பினர்கள் தங்களை பார்த்ததும் இடைவழியில் தப்பி ஓடியதாகவும் கூறப்படுகிறது.
தற்போது அந்த குழுவினரை போலீசார் தீவிரமாக தேடி வருகின்றனர். இது தொடர்பாக வழக்குப் பதிவு செய்யப்பட்டுள்ளதுடன், இலைகள் எங்கிருந்து வந்தன, யாருக்கு அனுப்பப்படவிருந்தன என்பது தொடர்பாக விசாரணை நடைபெற்று வருகிறது.