பொதுமக்கள் மற்றும் இளைஞர்கள் மத்தியில் போதை பொருட்கள் பயன்பாடு அதிகரித்து வரும் நிலையில், சமூக ஊடகங்களை பயன்படுத்தி போதை மருந்துகள் விற்பனை செய்யும் செயற்பாடுகள் அதிகரித்து வருகின்றன
இந்நிலையில், சென்னை கே.கே. நகர் மற்றும் தியாகராய நகர் பகுதிகளில் வலி நிவாரணி மாத்திரைகளை (painkillers) போதைக்காக விற்பனை செய்ததாக கார்த்திகேயன் மற்றும் விக்னேஷ் ஆகிய இருவரை போலீசார் கைது செய்தனர்.
இருவரும் சமூக ஊடகமான இன்ஸ்டாகிராம் வாயிலாக வாடிக்கையாளர்களை தொடர்புகொண்டு, மாத்திரைகளை விற்பனை செய்து வந்தது விசாரணையில் தெரியவந்துள்ளது. அவர்கள் மும்பையில் இருந்து மாத்திரைகளை கொண்டு வந்து, வடபழனி, தியாகராய நகர் உள்ளிட்ட இடங்களில் விற்றுவருவதாக போலீசார் தெரிவித்தனர்.
அவர்களிடமிருந்து 1,200 மாத்திரைகள் பறிமுதல் செய்யபட்டுள்ளன. இதனை தொடர்ந்து போதை எதிர்ப்பு சட்டத்தின் கீழ் வழக்கு பதிவு செய்து இருவரும் காவல்நிலையத்தில் விசாரணைக்குட்படுத்தப்பட்டுள்ளனர்.
பொதுமக்கள் மற்றும் மாணவர்கள் இந்த வகைச் செயற்பாடுகளுக்கு எதிராக விழிப்புணர்வுடன் இருப்பதன் முக்கியத்துவம் மீண்டும் வலியுறுத்தப்பட்டுள்ளனர்