நெல்லை மாவட்டம் பழவூரை சேர்ந்த இளம்பெண் கயல்விழி, கடந்த 8 மாதங்களாக காணாமல் போன நிலையில், கொலை செய்யப்பட்டு கால்வாயில் வீசப்பட்ட துடுப்பு அழியாத சம்பவம் பெரும் அதிர்ச்சியை ஏற்படுத்தியுள்ளது.
கயல்விழி, மாடன்பிள்ளை தர்மத்தைச் சேர்ந்தவர். திருமணமான 2 ஆண்டுகளுக்குள் கணவருடன் பிரிந்த நிலையில், மீண்டும் இணைவதற்காக குமரி மாவட்டம் கொட்டாரத்தைச் சேர்ந்த சாமியார் சிவசாமியை நாடியிருந்தார். தம்பதியரை மீண்டும் சேர்ப்பதாக கூறி, சிவசாமி மாந்திரிகம் செய்வதாகக் கூறி அதிக பணம் பெற்றுக் கொண்டதாக கூறப்படுகிறது.
ஆனால், நிலைமை ஒன்றும் மாறவில்லை என்பதால் கயல்விழி அவ்வப்போது அவரைத் தொடர்புகொண்டு வாக்குவாதங்களில் ஈடுபட்டதாக தெரிய வந்துள்ளது. இதனால் கோபமடைந்த சாமியார், தன்னுடன் தொடர்பில் இருந்த மேலும் மூவருடன் சேர்ந்து சுசீந்திரத்திற்கு கயல்விழியை வரவழைத்து, காரில் வைத்து கழுத்தை நெறித்து கொலை செய்து விட்டதாக கூறப்படுகிறது.
அதன்பின் அவர் அணிந்திருந்த ஏழு சவரன் நகைகளை பறித்து, சடலத்தை களக்காட்டில் உள்ள 80 அடி ஆழமுள்ள கால்வாயில் வீசியதாகவும் விசாரணையில் தெரியவந்துள்ளது.
கயல்விழியின் தொலைபேசிக் கால் பதிவுகளை கண்காணித்த போலீசார், சாமியார் சிவசாமி மற்றும் குற்றத்தில் உடந்தையாக இருந்த மூவரை கைது செய்துள்ளனர். இந்நிலையில், சம்பவம் தொடர்பான மேலதிக விசாரணை நடைபெற்று வருகிறது.
இது போன்ற போலி ஆன்மீகர்களால் ஏற்படும் கொடூரங்கள் மீதான விழிப்புணர்வு தேவை என சமூக ஆர்வலர்கள் வலியுறுத்தி வருகின்றனர்.