தென்காசி மாவட்டத்தில் போலீசார் கஞ்சா கடத்தலை தடுக்கும் நடவடிக்கையில் தீவிர கண்காணிப்பு பணியில் ஈடுபட்டு வருகின்றனர்.
இதன் ஒரு பகுதியாக, புளியங்குடி அருகே உள்ள வெள்ளானைக்கோட்டை விலக்கில் போலீசார் வாகன சோதனையில் ஈடுபட்டிருந்தனர்.
அப்போது, சந்தேகத்துக்கிடமான முறையில் நடந்துகொண்ட ஒரு இளைஞரை போலீசார் தடுத்து நிறுத்தி சோதனையிட்டனர்.
அதன் போது, அவர் 5 கிலோ கஞ்சாவை மறைத்து வைத்திருந்தது கண்டுபிடிக்கப்பட்டதுடன் போலீசார் அவரை கைதுசெய்து விசாரணை மேற்கொண்டனர்.
விசாரணையில், கைது செய்யப்பட்டவர் வாசுதேவநல்லூர் பகுதியில் உள்ள புதுமந்தை தெருவைச் சேர்ந்த முத்துப்பாண்டியன் என்பவரின் மகன் இளங்கோவன் (வயது 30) எனவும், அவரது மீது ஏற்கனவே அடிதடி உள்ளிட்ட பல்வேறு குற்ற வழக்குகள் நிலுவையில் இருப்பதும் தெரியவந்தது.
அதனைத் தொடர்ந்து, போலீசார் ரூ.50 ஆயிரம் மதிப்பிலான கஞ்சாவை பறிமுதல் செய்ததுடன், இளங்கோவனை நீதிமன்றத்தில் ஆஜர்படுத்தி சிறையில் அடைத்துள்ளனர்