சென்னை கோடம்பாக்கம் பகுதியில் உள்ள பேட்மிண்டன் அகாடமியில் தினமும் பயிற்சி எடுத்துவரும் மோகன் (26), நேற்று வழக்கம்போல பயிற்சியில் ஈடுபட்டார். அதன் போது அவர் திடீரென மயங்கி கீழே விழுந்ததாக கூறப்படுகிறது.
உடனடியாக அருகிலிருந்தவர்கள் மருத்துவர்களுக்கு தகவல் தெரிவித்தனர். சம்பவ இடத்துக்கு விரைந்த மருத்துவர்கள் அவரை பரிசோதித்தபோது, அவர் ஏற்கனவே மாரடைப்பால் உயிரிழந்துவிட்டதாக உறுதிப்படுத்தினர்.
இந்நிலையில், மோகனின் உடல் பிரேத பரிசோதனைக்காக அரசு மருத்துவமனைக்கு அனுப்பி வைக்கப்பட்டு, மாரடைப்புக்கு காரணம் என்ன என்பது குறித்து போலீசார் விசாரணை நடத்தி வருகின்றனர்.